పది విద్యార్థులకు అవకాశాలు ఎన్నో..

విద్యార్థి దశలో పదో తరగతి అత్యంత కీలకం. ఈ దశలో ఉత్తీర్ణత సాధిస్తేనే ముందడుగు వేయడానికి అవకాశం ఉంటుంది. సాధారణ వార్షిక పరీక్షలు ఇటీవల ముగిశాయి. ఒకేషనల్‌ పరీక్షలు ముగియనున్నాయి. ఇక ఇప్పుడు ఏ కోర్సు తీసుకుంటే బాగుంటుంది, ప్రవేశపరీక్షలు ఏముంటాయి, భవితకు బాట వేసుకోవడం ఎలా అన్న మీమాంసలో పడతారు. ఇప్పటికే కొన్ని ప్రవేశపరీక్షలకు ప్రకటనలు వెలువడగా, మరెన్నో అవకాశాలు ఉన్నాయి. ఆయా వాటిపై ‘ఏపీ టీచర్స్ టీవీ ’ కథనం.

ప్రవేశ పరీక్షలు...

• ఎన్‌టీటీఐ: డిప్లొమా ఇన్‌ టూల్‌ అండ్‌ మేకింగ్, టెక్నికల్‌ స్కిల్స్, ఎలక్ట్రానిక్స్, కంప్యూటర్‌ ఇంజినీరింగ్, మాన్యుఫ్యాక్చరింగ్‌ టెక్నాలజీ, ఎలక్ట్రికల్‌ అండ్‌ ఎలక్ట్రానిక్స్, ప్లాంట్‌ ఇంజినీరింగ్, ఇన్ఫర్మేషన్‌ టెక్నాలజీ, ఫ్యాషన్‌ డిజైనింగ్‌ తదితరాలు..

• పాలిటెక్నిక్‌: కంప్యూటర్‌ సైన్స్‌ సివిల్, మెకానికల్, అగ్రికల్చర్, టెక్స్‌టైల్‌ టెక్నాలజీ, కెమికల్, సిరామిక్‌ టెక్నాలజీ, హార్టీకల్చర్, ఎలక్ట్రిక్‌ ఆటోమొబైల్, యానిమల్‌ హజ్బెండరీ, ఇన్ఫర్మేషన్‌ టెక్నాలజీ. వీటిలో చేరేందుకు ఈ నెల 19లోపు ఆన్‌లైన్‌లో దరఖాస్తు చేయాలి. నాలుగు జిల్లాల్లో 39 పాలిటెక్నిక్‌ కళాశాలలు ఉన్నాయి.

• వెబ్‌సైట్‌:www.polycet.sbtet.telangana.gov.in

• సర్టిఫికెట్‌ కోర్సులు... డీటీపీ, ట్యాలీ, గ్రాఫిక్స్, కంప్యూటర్‌ హార్డ్‌వేర్‌ తదితరాలు.

• ఉద్యోగావకాశాలు..: పది పాసైతే వివిధ కేంద్ర ప్రభుత్వ కొలువులు దక్కించుకోవచ్చు. అవి ఇలా..

• స్టాఫ్‌ సెలక్షన్‌ కమిషన్‌: మల్టీ టాస్కింగ్‌ స్టాఫ్, కేంద్ర భద్రతా దళాల్లో కానిస్టేబుళ్లు, రైఫిల్‌ మెన్‌.

• రైల్వేశాఖ: గ్రూప్‌-డీ పోస్టులు, టికెట్‌ కలెక్టర్, రిజర్వేషన్‌ క్లర్స్, రైల్వే ప్రొటెక్షన్‌ ఫోర్స్‌లో చేరడం.

• అటవీశాఖ: అసిస్టెంట్‌ బీట్‌ అధికారులు, బంగ్లా వాచర్, థానేధార్‌.

• రక్షణ శాఖ: ఆర్మీలో చేరిక, గ్రూప్‌-5, మల్టీ టాస్కింగ్, ఫైర్‌మెన్, వంటమనిషి, స్టీబార్డ్స్‌.

• ఇతర ఉద్యోగాలు: పోస్ట్‌మెన్, మెయిల్‌ గార్డ్స్, బ్యాంకుల్లో అటెండర్‌ స్థాయి ఉద్యోగాలు.

  
  

• 
  

• ఇంటర్మీడియట్‌: రెండేళ్ల వ్యవధితో ఇంటర్‌ కోర్సులు  అందుబాటులో ఉన్నాయి.

• ఎంపీసీ (మ్యాథ్స్, ఫిజిక్స్, కెమిస్ట్రీ): ఇందులో ఉత్తీర్ణులైతే బీటెక్, బీఆర్క్‌ (జేఈఈ/ఎప్‌సెట్‌ రాయవచ్చు).

• బీఎస్సీలో పలు కోర్సులు చేయవచ్చు. బైపీసీ (బోటనీ, జువాలజీ, ఫిజిక్స్, కెమిస్ట్రీ): నీట్‌ రాసి మెడిసిన్, బీడీఎస్, ఫార్మాడీ, బి.ఫార్మసీ, వ్యవసాయ, ఉద్యాన కోర్సులతో పాటు డిగ్రీ - బీఎస్సీలో చేరవచ్చు.

• ఎంఈసీ (మ్యాథ్స్, ఎకనామిక్స్, కామర్స్‌): బీఎస్సీ (గణితం), బీకాం, బీఏ. ఉత్తీర్ణత పొందాక సీఏ, ఐసీడబ్ల్యూఏ, సీఎస్‌.

• సీఈసీ (కామర్స్, ఎకనామిక్స్, కామర్స్‌): డిగ్రీలో బీకాం, బీఏ కోర్సులు తీసుకోవచ్చు. ఆ తర్వాత సీఏ, ఐసీడబ్ల్యూఏ, సీఎస్‌.

• ఒకేషనల్‌ కోర్సులు: వివిధ కాంబినేషన్లలో సుమారు 29 రకాల వృత్తివిద్యాకోర్సులు అందుబాటులో ఉన్నాయి. వీటిలో కొన్నింటిని పూర్తి చేసి ఎప్‌సెట్‌ రాసుకోవచ్చు. ఒక బ్రిడ్జి కోర్సు పూర్తిచేసి బీఎస్సీలో చేరవచ్చు. సీఎస్, ఐసీడబ్ల్యూఏలో కూడా చేరవచ్చు. ఇవి పూర్తి చేస్తే పలు ఉద్యోగాలు దక్కించుకోవచ్చు. ఉమ్మడి మెదక్, వికారాబాద్‌ జిల్లాల్లో 78 ప్రభుత్వ ఇంటర్‌ కళాశాలలు ఉన్నాయి.

• ఐటీఐ: ఫిట్టర్, మెకానికల్, ఎలక్ట్రిషియన్, ఎలక్ట్రికల్, మోటారు మెకానిజం, వైర్‌మ్యాన్, రిఫ్రిజిరేషన్‌ అండ్‌ ఎయిర్‌ కండీషనింగ్‌ మెకానిజం, డ్రాఫ్ట్స్‌మెన్‌ సివిల్, ఫుడ్‌ ప్రొడక్షన్, వెల్డర్‌.

• పారామెడికల్‌: డిప్లొమా ఇన్‌ మెడికల్‌ ల్యాబ్‌ టెక్నాలజీ, డిప్లొమా ఇన్‌ ఆస్పీటర్‌ ఫుడ్‌ సర్వీసు మేనేజ్‌మెంట్, డిప్లొమా ఇన్‌ ఆప్తాల్మిక్‌ టెక్నాలజీ, ఫిజియోథెరఫీ, ఏఎన్‌ఎం.