Hero Passion Plus :అద్భుతమయిన మార్పులతో హీరో ప్యాషన్‌ ప్లస్‌ 2025 మోడల్‌ విడుదల

Hero Passion Plus: హీరో ప్యాషన్‌ 2025 మోడల్‌ మార్కెట్‌లోకి విడుదలైంది. దీని ధరను రూ.81,651గా నిర్ణయించారు.

Hero Passion Plus 2025 Model

Hero Passion Plus | ఇంటర్నెట్‌ డెస్క్: ప్రముఖ ద్విచక్ర వాహన తయారీ సంస్థ హీరో మోటోకార్ప్‌ (Hero motocorp) తన ద్విచక్ర వాహనశ్రేణిని అప్‌డేట్‌ చేస్తూ వెళ్తోంది. ఏప్రిల్‌ 1 నుంచి విక్రయించే అన్ని మోడళ్లూ బీఎస్‌6 ఫేజ్‌-2 ఓబీడీ-2బీ కఠిన ఉద్గార నిబంధనలు అనుసరించాలన్న కేంద్ర ప్రభుత్వ ఆదేశాలమేరకు.. ఆ ప్రమాణాలతో రూపొందిన మోడళ్లను ఒక్కొక్కటిగా విడుదల చేస్తోంది. 2025 స్ప్లెండర్‌ ప్లస్‌ శ్రేణి బైక్‌లను లాంచ్‌ చేసిన ఆ కంపెనీ.. తాజాగా 2025 మోడల్‌ ప్యాషన్‌ ప్లస్‌ను విడుదల చేసింది. దీని ధరను రూ.81,651 (ఎక్స్‌షోరూమ్‌)గా నిర్ణయించింది.

కొత్త ప్యాషన్‌ ప్లస్‌లో 97.2 సీసీ సింగిల్‌ సిలిండర్‌ ఎయిర్‌కూల్డ్‌ ఇంజిన్‌ ఇచ్చారు. ఇది 8 హెచ్‌పీ పవర్‌ను, 8.05 ఎన్‌ఎం టార్క్‌ను ఉత్పత్తి చేస్తుంది. 4 స్పీడ్‌ గేర్‌బాక్స్‌ వెల్‌ మల్టీ ప్లేట్‌ క్లచ్‌తో వస్తోంది. స్ప్లెండర్‌, హెచ్‌ఎఫ్‌ డీలక్స్‌ మోడళ్లలోనూ ఇదే ఇంజిన్‌ను అమర్చారు. బ్లాక్‌ నెక్సస్‌ బ్లూ, బ్లాక్‌ హెవీ గ్రే రంగుల్లో లభిస్తుంది.

ఫీచర్ల విషయానికొస్తే..

• డిజిటల్‌, అనలాగ్‌ ఇన్‌స్ట్రుమెంట్‌ క్లస్టర్‌తో వస్తోంది.

• ఐడల్‌ స్టాప్‌- స్టార్ట్‌ సిస్టమ్‌ ఉంది.

• సైడ్‌ స్టాండ్‌ ఇండికేటర్‌

• మొబైల్‌ ఛార్జింగ్‌ పోర్ట్‌ వంటి ఆప్షన్లతో వస్తోంది.

• ముందువైపు టెలిస్కోపిక్‌ ఫ్రంట్‌ సస్పెన్షన్‌, వెనకవైపు ట్విన్‌ ట్యూబ్‌ షాక్‌ అబ్జార్బర్స్‌ ఇచ్చారు.

• ముందూ, వెనక డ్రమ్‌ బ్రేకులు, 18 అంగుళాల అల్లాయ్‌ వీల్స్‌తో వస్తోంది.

గతేడాది మోడల్‌తో పోలిస్తే ఆధునికీకరించిన మోడల్‌ ధర దాదాపు రూ.1750 మేర అధికం.

మరిన్ని వార్తలు విశేషాలు చదవండి 👈

నిరంతర తాజా వార్తల కోసం వాట్సాప్ ఛానల్ ఫాలో అవండి 👈